Tá turais threoraithe den ionad, ar a bhfuil ceirdeanna spéisiúla ar nós tuídóireacht, aoireacht caorach, baint mhóna, &rl. ar fáil do ghrúpaí. Ar an turas, déantar tráchtaireacht ar stair agus ar thraidisiúin Chonamara, ar Dan O'Hara, agus ar aon ábhair spéise eile a bhíonn sa nuaíocht ag an am. Castar bhéarsa d'amhrán Dan O'Hara do na cuairteoirí freisin.

Tugtar na cuairteoirí i gcaráiste go barr an chnoic os cionn Phortach Chloch na Rón, atá ar cheann dena portaigh clúdaithe is mó in Éirinn. Thosaigh an portach ag fás timpeall 7,000 bliain ó shin. Is faoi fhoraois a bhí an limistéar roimh an bportach, agus fós féin faigheann lucht bainte móna rútaí na gcrainnte thíos in íochtar. Agus sén chúis gur mhaireadar an t-achar sin ná nach bhfuil aon aer sa bportach. Tá muintir na hÉireann fré chéile ag baint leasa as móin le haghaidh teasa leis na céadta bliain. Ach sa lá atá inniu ann, tá Portach Chloch na Rón caomhnaithe ag an Aontas Eorpach agus is Ceantar Nádúrtha Oidhreachta é.

Sé Capaillín Chonamara an t-aon chapall nó pónaí dúchasach in Éirinn, agus tá os cionn dhá mhíle bliain curtha dhe aige i measc cnoic Chonamara. Tá cáil bainte amach acu as ucht a spiorad coimhlinte, a sástacht, agus a scafántacht. Tá iarratas mór orthu ar fud an domhain uile, agus bíonn seó cáiliúil Chapaillíní Chonamara sa gClochán mí Lúnasa chuile bhliain.